«Ինչո՞ւ են ռուսներին դրդում, որ նահանջելու տեղ չունենան». Կոնստանտին Տեր-Նակալյան

«Ադեկվադ» միաբանության անդամ Կոնստանտին Տեր-Նակալյանը ֆեյսբուքյան իր էջում գրել է. «Ռուսների ջեբը համառորեն փորձում են նոր «Սրեբրիննիցա» գցեն՝ Բուչայի «կոտորածի» տեսքով։ Ի թիվս այլ բաների՝ սա նշանակում է, որ կոլեկտիվ Արևմուտքը ամեն ինչ անում է, որ Ռուսաստանը չունենա որևէ այլընտրանք, քան Ուկրաինան ծայրից ծայր գրավելը։

Ես հիմա անգամ չեմ էլ քննարկում այն, թե որքանով է կեղծված այդ կոտորածը։ Թերևս ասեմ, որ ինձ ավելի հավանական է թվում, որ սպանված քաղաքացիականների զգալի մասը հենց ուկրաինական ստորաբաժանումների կողմից են մահապատժի ենթարկվել՝ մեղադրվելով թշնամու հետ կոլաբորացիա իրականացնելու մեջ։ Որքան էլ ցինիզմ լինի ասածումս, բայց մեծ պատկերի մեջ դա երկրորդական դետալ է։

Առաջանային դետալն այն է, թե ինչո՞ւ են ռուսներին դրդում, որ նահանջելու տեղ չունենան։ Ակնհայտ է, չէ՞, որ Պուտինը չի գնա որևէ սցենարի, որտեղ ինքը ռազմական հանցագործ կկարգվի ու կլինի պաշտոնական ուկրաինական կողմ, որը դա կպնդի։ Ուրեմն՝ պետք է անի այնպես, որ չլինի այդպիսի ուկրաինական կողմ, իսկ դա նշանակում է, որ չպետք է լինի Ուկրաինա՝ այն սահմաններում և այն պետական համակարգով, որ առկա էր»։