«Արցախում առկա իրադրությունը մտահոգիչ է». ՀՀ-ում Ֆրանսիայի դեսպան

Ազգային ժողովի նախագահի տեղակալ Ռուբեն Ռուբինյանը Հայաստանում Ֆրանսիայի Հանրապետության արտակարգ և լիազոր դեսպան Անն Լույոյի հետ հանդիպմանը ներկայացրել է Լեռնային Ղարաբաղում ադրբեջանական զինված ուժերի ներխուժման հետևանքով ստեղծված իրավիճակը: Այս մասին հաղորդում է ԱԺ աշխատակազմը:

Ըստ ԱԺ փոխնախագահի՝ Ադրբեջանի քաղաքականությունը միտված է Արցախը հայաթափելուն:

Դեսպանը մտահոգիչ է համարել Արցախում առկա իրադրությունը:

Քննարկվել են նաև տարածաշրջանային անվտանգությանն առնչվող այլ հարցեր:

Մտքեր են փոխանակվել նաև Հայաստանի և Թուրքիայի միջև երկխոսության գործընթացի վերաբերյալ: