«Մենք կանգնած ենք վերանալու շեմին». Արամ Վարդևանյան

«Հայաստանն այսօր ապրում է վերջին հարյուր տարվա իր ամենածանր օրերը. սա չափազանցություն չէ. մենք կանգնած ենք վերանալու շեմին»,- Ազատության հրապարակում հայտարարեց պատգամավոր Արամ Վարդևանյանը՝ հավելելով, որ իշխանությունը խաղաղություն է խոստանում ոչ թե հայ ազգին, այլ՝ Ադրբեջանին ու Թուրքիային: «Հայաստանը այդ երկրների համար կդառնա ոտի տակի երկիր: Այս խաղաղությունն Ադրբեջանի համար նշանակում է Արցախի՝ որպես ինքնորոշված հանրապետության վերացում, Սյունիքի ուզուրպացիա: Այս խաղաղությունը Թուրքիայի համար նշանակում է Ցեղասպանությունը մարսել»,- հավելեց նա: