«Սարգսյանի մասնակցությունը հանրահավաքին հենց ՀՀԿ-ին է պետք, ոչ թե հասարակությանը». քաղաքագետ

Քաղաքագետ Սուրեն Սուրենյանցը գրում է. «Չի կարելի «օրհասականությամբ» («պատկերացրեք՝ ինչ օրհասական է վիճակը, որ նախագահ Սերժ Սարգսյանն անձամբ մասնակցում է հանրահավաքին». Արմեն Աշոտյան) հիմնավորել Սերժ Սարգսյանը մասնակցությունը հանրահավաքին։ Որեւէ առաջնորդի ֆետիշացման նման դրսեւորումը միայն խորացնում է անջրպետը հարթակի ու հասարակության միջև։ Ցանկացած ընդդիմության խնդիրն է՝ հասարակությանը համոզել, որ ինքն ավելի կենսունակ է, քան իշխանությունը։ Սերժ Սարգսյանը, ինչպես և ընդդիմադիր այլ առաջնորդներ, հենց այդ առաքելությունն ունեն։ Այնպես, որ Սարգսյանի մասնակցությունը հանրահավաքին հենց ՀՀԿ-ին է պետք, ոչ թե հասարակությանը, ում փորձ է արվում այդ մասնակցությունը մատուցել՝ որպես շնորհ»։