«Այն գործիչները, ովքեր փոխում են համոզմունքները, պետք է մոտ չգան Արցախի խնդրին իրենց «լուծումներով»»․ Տարոն Սիմոնյան

Իրավաբան, ԱԺ նախկին պատգամավոր Տարոն Սիմոնյանի գրառումը․ «Այն հանրային ու քաղաքական գործիչները, ովքեր, իրավիճակից ելնելով, փոխում են իրենց արժեհամակարգն ու դրանից բխող համոզմունքները, առնվազն պետք է մոտ չգան Արցախի խնդրին իրենց «լուծումներով»։
Արցախի հարցում լուծումն արդեն որոշված է ՀՀ Անկախության հռչակագրում, որը ՀՀ Սահմանադրության անբաժանելի մասն է։
Մնացած ամեն ինչ, այդ թվում՝ հանրային խոսքը, իրավական, դիվանագիտական և ռազմական գործողությունները, ինչպես նաև պետական գործիչների կենսիմաստը, պետք է միտված լինեն Մայր Հայաստանին Արցախի վերամիավորմանը։
Հ.Գ. «Չկարողանալ» բառը ստեղծված է ալարկոտների ու սեփական թուլամորթությունն արդարացնողների կողմից»։