Չինական ընկերությունները որոշել են ռուսական ածխի և նավթի դիմաց վճարել յուանով

Ռուսաստանից ածուխի և նավթի առաջին մատակարարումները, որոնց դիմաց կվճարվի յուանով, Չինաստան կուղևորվեն այս տարվա ապրիլին և մայիսին, գրում է Bloomberg-ը՝ Fenwei Energy Information Service չինական խորհրդատվական ընկերությանը հղումով։
Հաղորդվում է, որ մի քանի չինական ընկերություններ մարտին յուանով գնել են ռուսական ածուխ: Սրանք հումքի առաջին մատակարարումները կլինեն չինական արժույթով այն բանից հետո, երբ ԱՄՆ-ը և Եվրոպան Ռուսաստանի դեմ պատժամիջոցներ սահմանեցին Ուկրաինայում ռազմական գործողության պատճառով և մի շարք ռուսական բանկերի անջատեցին SWIFT միջազգային հաշվարկային համակարգից:
Գործակալությունը նշում է, որ նավթի ռուս առևտրականները չինացի գնորդներին հնարավորություն են տվել վճարել մատակարարումների համար յուանով։ Չինաստանի մասնավոր վերամշակող գործարանները մայիսին կստանան ESPO տեսակի նավթի (ESPO) առաջին խմբաքանակները, որոնք գնվել են յուանով:
Չինական ընկերություններն ավանդաբար Ռուսաստանում ածուխ են գնել դոլարով, սակայն SWIFT-ից մի շարք ռուսական բանկերի անջատումից հետո չինացի շատ գնորդներ դադարեցրել են գործարքները, նշում է Bloomberg-ը։ Անցյալ տարի Ռուսաստանը Չինաստանին ածուխի խոշորագույն մատակարարների շարքում երկրորդ տեղն է զբաղեցրել՝ Պեկինի և Կանբերայի միջև հարաբերությունների վատթարացման ֆոնին տեղահանելով Ավստրալիան։
Reuters-ը հայտնում է, որ չինական պետական ընկերությունները պահպանում են Ռուսաստանից նավթի մատակարարումների առկա պայմանագրերը, սակայն մինչ այժմ ձեռնպահ են մնացել նոր պայմանագրեր կնքելուց՝ Արևմուտքի պատժամիջոցների հետ կապված Պեկինի զգուշավոր քաղաքականության ֆոնին:

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
138Երեկ, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
133Երեկ, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
118316.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
102515.11.2026, 19:19
Խաղողագործներին փող չեն տալիս․ «Հրապարակ»
68414.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
147913.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
69212.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
182710.11.2026, 19:37