«Հայաստանը գեոպոլիտիկ դռների արանքում մնալու վտանգ ունի». Սոս Հակոբյան

«Հայրենիք» կուսակցության մամուլի քարտուղար Սոս Հակոբյանը ֆեյսբուքյան իր էջում գրել է. «Սերգեյ Լավրովը, Միրզոյանի հետ մամուլի ասուլիսի ընթացքում, մի քանի անգամ հստակորեն նշեց Արևմուտք-Ռուսաստան հակասությունները, այդ թվում՝ վերջին բրուսելյան հայտարարությամբ արտահայտված:

Վերջինս կարևորեց նոյեմբերի 26-ին Սոչիում ձեռք բերված պայմանավորվածությունները՝ կասկածի տակ դնելով նույն թեմայով ձեռք բերված բրյուսելյան պայմանավորվածությունների նպատակահարմարությունը: Հայտնեց, որ ԵԱՀԿ Մինսկի խմբի համանախագահության մյուս երկու երկրները հրաժարվել են ՌԴ մասնակցությամբ մասնակցել ձևաչափին, ինչն իր գնահատմամբ արվում է տվյալ դեպքում ի հաշիվ պաշտոնական Երևանի շահերի: Զարգացրեց դելիմիտացիա-դեմարկացիայի գործընթացում ՌԴ մասնակցության անհրաժեշտությունը՝ ասելով, որ ՌԴ ՊՆ-ում գտնվող քարտեզները Ռուսաստանի մասնակցության կողմից խոսող միակ պատճառը չեն. նշվեց նույն տարածքում դարերով ապրելու հանգամանքը՝ որպես միջնորդական առաքելության արդյունավետության գրավական, և այլն...

Գրածիս իմաստը կայանում է նրանում, որ այս իշխանությունների գործողությունների արդյունքում Հայաստանն ունի վտանգ ուղղակի մնալ ձախից և աջից փակվող գեոպոլիտիկ դռների արանքում...»: