«Եկեք Արցախի դրոշը Մասիս սարի նկարի չվերածենք»․ Գեղամ Նազարյան

ԱԺ «Հայաստան» խմբակցության պատգամավոր Գեղամ Նազարյանի գրառումը․ «Արցախի դրոշը Հայաստանի տարբեր բնակավայրերում ամրացնելու արարողագործողություններն անչափ դրական նշանակություն եւ խորհուրդ ունեն, բայց եկեք Արցախի դրոշը Մասիս սարի նկարի չվերածենք։
Մեր շատ հայրենակիցներ տասնամյակներ շարունակ տան, գրասենյակի պատից կախել են Մասիս սարի նկարը, լուսանկարը ու կարծել, թե դա է իրական հայրենասիրությունը։ Հիմա եկեք շատ չոգևորվենք ու չմոռանանք, որ Արցախի դրոշի ծածանման գործողություններն ընդամենը արցախցիներին աջակցելու մի փոքրիկ քայլ է, իսկ իրական պայքարի նպատակակետը պետք է լինի Արցախի դրոշը Շուշիում եւ Հադրութում ծածանելը։ Չմոռանանք այս մասին ու մենք մեզ չխաբենք ու հնարավորին չափ հեռու մնանք դատարկ հայրենասիրությունից»։