«Երբ ասում եմ՝ կարելի էր պատերազմը կանգնեցնել, դա ժանր է, կոչվում է գրոտեսկ»․ վարչապետ

«Սերժ Սարգսյանը ո՞նց էր լուծելու Ղարաբաղի հարցը, երբ 2018 թվականի ապրիլի 17-ին էս ամբիոնից ասել է, որ «բանակցությունները կանգնած են, լավատեսություն չեն ներշնչում և Ադրբեջանի ակնկալիքները բանակցային գործընթացից անընդունելի են ու անիրատեսական մեզ համար»․․․ Գնալու էր ու ընդունե՞ր Ադրբեջանի անիրատեսական պահանջները»,- այսօր ԱԺ ամբիոնից հայտարարեց վարչապետը Նիկոլ Փաշինյանը։

«Էլի էս նույն ամբիոնից ասել է, որ «․․․այլևս շատ երկար ժամանակ չպետք է հույս ունենանք, որ Ադրբեջանը չի փորձելու ռազմական ճանապարհով լուծել Ղարաբաղի հարցը»։ Էս էլ էն հարցի պատասխանը, թե իրականում պատերազմական իրադրության հեղինակը ո՞վ ա՝ մեր իշխանությունը, թե՞ մեր իշխանությունը չի»,- ասաց Փաշինյանը։

«Իսկ երբ որ ասում եմ՝ այո՛, կարելի էր պատերազմը կանգնեցնել, դա ժանր ա, կոչվում ա գրոտեսկ։ Ես ասում եմ, որ պատերազմը կարելի էր կանխել Սերժ Սարգսյանի հիշատակած անիրատեսական և անընդունելի պահանջները կատարելու արդյունքում»,- նշեց նա։