Ուրբաթ, 13 փետրվարի, 2026 թ.
|
Ստեփանակերտում`   +5 °C

«Հարավային Կովկասի իրական իրավիճակը թույլ չի տալիս դադարներ բանակցություններում». Զախարովա

«Հարավային Կովկասի իրական իրավիճակը թույլ չի տալիս դադարներ բանակցություններում». Զախարովա
989
Հինգշաբթի, 14 ապրիլի, 2022 թ., 22:00

«Այս տարվա փետրվարի 24-ին Վաշինգթոնը և Փարիզը դադարեցրին բոլոր շփումները Մոսկվայի հետ ԵԱՀԿ Մինսկի խմբի համանախագահների «եռյակի» շրջանակներում։ Մինչդեռ Հարավային Կովկասի իրական իրավիճակը թույլ չի տալիս դադարներ բանակցություններում։ Հետագայում հետևողական քայլեր են պահանջվում տարածաշրջանում երկարաժամկետ խաղաղության և կայունության վերականգնման համար, եթե Միացյալ Նահանգները և Ֆրանսիան դադարեցնեն համագործակցությունը համանախագահների միջև»,- այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Այդ կապակցությամբ, ըստ նրա, հատուկ հանձնարարություններով դեսպան Իգոր Խովաևը կշարունակի իր աշխատանքը նոր պաշտոնում, այն է՝ ՌԴ ԱԳ նախարարի հատուկ ներկայացուցիչ՝ Ադրբեջանի և Հայաստանի միջև հարաբերությունների կարգավորմանը նպաստելու համար: Նրա ուշադրության կենտրոնում կլինի Բաքվի և Երևանի միջև խաղաղության պայմանագրի նախապատրաստման թեման։ Զախարովան հույս է հայտնել, որ Խովաևի ջանքերին կաջակցեն «Բաքվում և Երևանում մեր դաշնակիցներն ու գործընկերները»։ «Մենք բաց ենք այլ շահագրգիռ խաղացողների հետ կառուցողական փոխգործակցության համար»,- ընդգծել է Զախարովան։