«Մեր գործընկերները հավանաբար լավ չեն հասկացել վարչապետի ելույթի բովանդակությունը». Էդուարդ Աղաջանյան

«Ես կարող եմ ենթադրել, որ մեր գործընկերները, հավանաբար, լավ չեն հասկացել վարչապետի ելույթի բովանդակությունը, հակառակ պարագայում ես որևէ բացատրություն չեմ կարող գտնել այդ հայտարարության հիմքում: Կրկնում եմ, որ որևէ գործընթաց արցախցիների թիկունքում չի կարող լինել ուղղակի»,- ԱԺ ճեպազրույցների ժամանակ անդրադառնալով Արցախի ԱԺ պատգամավորների՝ երեկ տարածած հայտարարությանը, ասաց Արտաքին հարաբերությունների մշտական հանձանաժողովի նախագահ Էդուարդ Աղաջանյանը:

«Ամբողջ գործընթացը միտված է հենց արցախահայության իրավունքների պաշտպանությանը և դրանց իրացմանը»,- հավելեց նա: