Հայտնի է Փաշինյանի՝ Մոսկվա այցելության օրը

ՌԴ նախագահ Վլադիմիր Պուտինը ապրիլի 19-ին կընդունի պաշտոնական այցով Մոսկվա մեկնող Հայաստանի վարչապետ Նիկոլ Փաշինյանին։ Այդ մասին հայտնել են այսօր «Ռոսիա 1» հեռուստաալիքի «Մոսկվա։ Կրեմլ։ Պուտին» հաղորդման ժամանակ։
«Պաշտոնական այցով Ռուսաստան է ժամանում Հայաստանի վարչապետը։ Ներկա միջազգային իրավիճակում սա հատուկ նշանակության իրադարձություն է»,- նշվել է ծրագրում։

Հիշեցնենք, որ մարտի 8-ին աշխատանքային այցով Ռուսաստանի Դաշնությունում էր Հայաստանի արտաքին գործերի նախարար Արարատ Միրզոյանը: