«Արցախի հարցը կլուծվեր Կոսովոյի նման, եթե Արցախը լիներ Բալկաններում, Ադրբեջանը լիներ Սերբիա»․ Հակոբ Բադալյան

Քաղաքական մեկնաբան Հակոբ Բադալյանի գրառումը. «Փաշինյանի ելույթից հետո, կարգավիճակի մասին քննարկումներում ու մեկնաբանություններում հաճախ է նկատվում Կոսովոյի հիշատակումը: Հնչում են կարծիքներ, որ Արցախի հարցը կարող էր լուծվել Կոսովոյի նման՝ եթե..., կամ՝ Արցախի հարցը կլուծվի Կոսովոյի նման՝ երբ...:
Արցախի հարցը կլուծվեր Կոսովոյի նման, եթե Արցախը լիներ Բալկաններում, Ադրբեջանը լիներ Սերբիա, այդ ամենը լինել նախկին Հարավսլավիա, ու էլի մի քանի այդպիսի բաներ: Եվ էլի կլուծվի Կոսովոյի նման, երբ տեղի կունենա այդ «կերպարանափոխումը»:
Խոսել Արցախի և Կոսովոյի հարցերի մասին, համեմատել, նմանեցնել, նույնացնել և բերել մի եթե, պայմանական՝ եթե մենք չլինեինք «ռուսաստանամետ», թերևս նշանակում է չտիրապետել թե՛ Արցախի, թե՛ Կոսովոյի հարցերի աշխարհագրական ու աշխարհաքաղական էություններին և դրանցով պայմանավորված բազմաթիվ մեծ ու փոքր այլ կարևորություններին: Չտիրապետել, կամ չփորձել տիրապատել, չուզենալ նկատել և այլն:
Այլապես, ո՞վ չի ուզի «Կոսովոյի տարբերակ», առավել ևս պարբերաբար կրկնել այդ տարբերակի մասին, և հատկապես, որ միշտ էլ կարելի է ասել՝ այ սա չարեցինք, չեղավ Կոսովոյի տարբերակը»: