«Մեր երկիրը ղեկավարում է հոգեկան ոչ կայուն վիճակի մեջ գտնվող անձ». Վահե Հակոբյան

«Ե՛վ «Հայաստան» և՛ «Պատիվ ունեմ» դաշինքների օրակարգում մեկ գլխավոր կետ կա՝ Նիկոլ Փաշինյանի ու իր հետևորդների շուտափույթ հեռացումը քաղաքական կյանքից ու առհասարակ՝ մեր կյանքից»,- Ազատության հրապարակում լրագրողների հետ զրույցի ժամանակ հայտարարել է Վահե Հակոբյանը: «Մեր երկիրն այսօր ղեկավարում է հոգեկան ոչ կայուն վիճակի մեջ գտնվող անձ»,- հավելել է ընդդիմադիր խմբակցության պատգամավորը: Հարցին՝ պայքարը կավարտվի՞ հաջողությամբ, նշել է՝ «այլ տարբերակ չունենք». «Բացարձակ կարևոր չի՝ ով ում ա սիրում, ով ինչ պաշտոնի ա. կա ՀՀ քաղաքացի ու գիտակից մարդիկ, ովքեր գիտակցում են, որ վաղը կորցնելու ենք մեր պետականությունը»,- եզրափակել է նա: