«Համարեք՝ մանդատները վայր ենք դրել»․ Վանեցյան

Այսօր՝ ասուլիսի ժամանակ, ի պատասխան լրագրողի հարցին, թե հնարավոր է «Պատիվ ունեմ» խմբակցությունը մանդատները վայր դնի, «Հայրենիք» կուսակացության և «Պատիվ ունեմ» խմբակցության ղեկավար Արթուր Վանեցյանը պատասխանեց․ «Ստեղ ենք, փողոցում ենք, խորհրդարանում չենք, ժողովրդի հետ ենք, կանգնած ենք գետնին, և ես անձնապես իմ մասով կարող եմ ասել՝ այլևս խորհրդարանում չեմ կարծում՝ ինչ պետք է անեմ, ինչ քննարկեմ, ինչի մասին խոսեմ։ Մի խորհրդարանում, որտեղ հայտարարում են, որ Արցախը կարող էլ ինել Ադրբեջանի կազմում, որ հայը կարա ապրի ադրբեջանցու ենթակայության տակ, ես այդ խորհրդարանում չգիտեմ այլևս ինչով կարամ զբաղվեմ»։

Վանեցյանի խոսքով՝ մանդատը վայր դնելը տեխնիկական հարց է։

«Այնուամենայնիվ, իշխանափոխությունն իրականացվելու է խորհրդարանում, փողոցի ճնշման տակ»,- հավելեց նա։