«Ինչո՞ւ անջատում հանուն փրկության, և ինչո՞ւ՝ Կոսովոյի տարբերակ»․ Արամ Սարգսյան

«Հանրապետություն» կուսակցության նախագահ Արամ Սարգսյանի գրառումը․ «Ինչո՞ւ անջատում հանուն փրկության, և ինչո՞ւ՝ Կոսովոյի տարբերակ։

Կոսովոյի անկախության ճանաչման գործընթացի հաջողության գրավականը ՄԱԿ-ի Անվտանգության խորհրդի 1244 բանաձևն էր, որով 1999-ին ստեղծվեց ՄԱԿ-ի ժամանակավոր վարչակազմի առաքելություն Կոսովոյում (UNMIK), որը լիազորություն ուներ ապահովել Արևմտյան Բալկաններում տարածաշրջանային կայունություն և զարգացում: UNMIK-ը ուներ 4 «սյուն»։
1. Ոստիկանություն և արդարադատություն (ՄԱԿ-ի գլխավորությամբ): 2.Քաղաքացիական կառավարում (ՄԱԿ-ի գլխավորությամբ):
3. Ժողովրդավարացում և ինստիտուտների ձևավորում (ԵԱՀԿ-ի գլխավորությամբ): 4. Վերակառուցում և տնտեսական զարգացում (ՄԱԿ-ի գլխավորությամբ):
1999-ին ՄԱԿ-ի բանաձևը ընդունելուց 9 տարի հետո 2008-ին ճանաչվել է Կոսովոյի անկախությունը առանց սերբերի կարծիքը հարցնելու։ UNMIK-ի կառավարումը կարելի է անկախությունից մի աստիճան ցածր դիտարկել, քանի որ կա ՄԱԿ-ի ուղիղ վերահսկողությունը, բայց նման տարբերակն այն ճանապարհն է, որով Արցախը 10-20, կամ 50 տարի հետո կարող է հասնել անկախության: Իմ կարծիքով ոչինչ չի խանգարում, որ Հայաստանը ճանաչի Կոսովոյի անխախությունը, իսկ ՀՀ արտաքին քաղաքականությունը, հենվելով Ադրբեջանի հայատյաց քաղաքականության իրավական և քաղաքական փաստերի վրա, փորձի ՄԱԿ-ից ստանալ 1244 բանաձևի օրինակով տարբերակ նվիրված Արցախին»։