Քոչարյանի պաշտպանը լքեց նիստերի դահլիճը

Ռոբերտ Քոչարյանի պաշտպան Արամ Օրբելյանը դատավորի հետ անհամաձայնության պատճառով լքեց նիստերի դահլիճը։ Պաշտպանը պնդում էր, որ նախ՝ դատարանը քննարկի Քոչարյանի նկատմամբ քրեական հետապնդումը դադարեցնելու միջնորդությունը, իսկ դատավոր Աննա Դանիբեկյանը հայտարարեց, որ դատարանն անցնում է ապացույցների հետազոտմանը։

Օրբելյանի՝ նիստերի դալիճը լքելուց հետո դատավորը հայտարարեց, որ անցնում է խորհրդակցական սենյակ՝ Քոչարյանի պաշտպանի նկատմամբ սանկցիա կիրառելու։

Դատարանի որոշմամբ Արամ Օրբելյանի նկատմամբ կիրառվեց դատական տուգանք՝ 50 հազար դրամի չափով։ Հաշվի առնելով, որ պաշտպանի բացակայությամբ նիստը չի կարող շարունակվել, այն ավարտվեց։

Հաջորդ նիստը տեղի կունենա մայիսի 3-ին՝ ժամը 13։00-ին։