Հայտնի է՝ ինչ են քննարկելու Պուտինն ու Փաշինյանը

967

Երեքշաբթի, 19 ապրիլի, 2022 թ., 18:18

Ռուսաստանի նախագահ Վլադիմիր Պուտինը երեքշաբթի Հայաստանի վարչապետ Նիկոլ Փաշինյանի հետ հանդիպման սկզբում ասաց, որ իրենք, ի թիվս այլ հարցերի, կքննարկեն անվտանգության հարցերը և Լեռնային Ղարաբաղում տիրող իրավիճակը։

«Իհարկե, անվտանգության հարցերը նույնպես կլինեն մեր ուշադրության կենտրոնում, այդ թվում՝ Ղարաբաղի հետ կապված, դեռ շատ խնդիրներ կան, ես համաձայն եմ Ձեզ հետ»,- ասել է Պուտինը՝ շեշտելով, որ ինքն ու Փաշինյանը հաճախ են հեռախոսազրույցներ ունենում ու հանդիպում՝ չնայած համաճարակին: Նաև հիշեցրել է, որ հանդիպումը նվիրված է հայ-ռուսական հարաբերությունների 30-ամյակին:
Փաշինյանն էլ իր հերթին հայտարարել է, որ Ռուսաստանը առանցքային դեր է կատարում Հարավային Կովկասի անվտանգության ապահովման գործում։
Նրա խոսքով՝ ռուսական խաղաղապահ զորախումբն ապահովում է Լեռնային Ղարաբաղի անվտանգությունը։

Փաշինյանը նաև ընդգծել է ՌԴ նախագահի անձնական դերը Լեռնային Ղարաբաղում ռազմական գործողությունները դադարեցնելու գործում: