Tata Steel-ի եվրոպական դուստր ձեռնարկությունը դադարեցնում է բիզնեսը Ռուսաստանի հետ

Հնդկական պողպատաձուլական Tata Steel ընկերության եվրոպական դուստր ձեռնարկությունը հայտարարել է Ռուսաստանի հետ բիզնեսը դադարեցնելու մասին։
««Tata Steel»-ը Ռուսաստանում գործունեություն կամ աշխատակից չունի: Մենք գիտակցաբար որոշում ենք կայացրել դադարեցնել բիզնեսը Ռուսաստանի հետ»,- ասվում է լոնդոնյան Tata Steel Europe-ի հայտարարության մեջ: Հայտարարության մեջ նշվում է, որ «գործարարության շարունակականությունն ապահովելու համար բոլոր գործառնությունները Հնդկաստանում, Մեծ Բրիտանիայում և Նիդեռլանդներում օգտագործում են հումքի այլընտրանքային աղբյուրներ՝ դադարեցնելու համար Ռուսաստանից կախվածությունը»: Միևնույն ժամանակ, Tata Steel-ի գլխավոր կայքում որևէ հայտարարություն չկա Ռուսաստանի հետ բիզնեսի դադարեցման մասին։
Tata Steel Group-ը աշխարհի առաջատար պողպատաձուլական ընկերություններից մեկն է՝ տարեկան 34 մլն տոննա պողպատի արտադրությամբ։ Այն ունի գործառնություններ և առևտրային ներկայություն ամբողջ աշխարհում: 2021 թվականի մարտի 31-ին ավարտված ֆինանսական տարվա համար խմբի համախմբված շրջանառությունը կազմել է 21,06 միլիարդ դոլար: