««Ընդդիմությունը ճիշտ կանի «հրաժարական» տա»». Կարեն Ադոնց

Տնտեսագետ Կարեն Ադոնցը գրում է. «ԱՆՕԳՆԱԿԱՆ ԸՆԴԴԻՄՈՒԹՅՈՒՆԸ ՃԻՇՏ ԿԱՆԻ «ՀՐԱԺԱՐԱԿԱՆ» ՏԱ

Եթե ներկայիս ընդդիմությունը, լինելով նախկինում իշխանություն, չի ճանաչել ԱՀ-ն, ապա ավտոմատ, գոնե այս մասով, ճանաչել է Ադրբեջանի տարածքային ամբողջականությունը։ Մնացյալը՝ «բանակցություններ» են։

Ուժ, ցանկություն ու «դուխ» կունենաք պաշտպանել ԱՀ-ն՝ պաշտպանեք, ո՞վ է ձեր ձեռքը բռնելու։ Ուժ, ցանկություն ու «դուխ» կունենաք ճանաչել ԱՀ-ն, ճանաչեք՝ ո՞վ է ձեզ խանգարելու։

Հրապարակային պայքար մղելով «խաղաղության պայմանագրի» դեմ՝ ընդդիմությունը նպաստում է այդ պայմանագրի «սահուն» կնքմանը։ Եթե չլիներ պայքար, կլիներ կասկած. կմտածեին «բլեֆ» ենք անում։ Իսկ հիմա յուրաքանչյուրն իր տեղում է։

Իր նախընտրական ծրագրերում, այս ընդդիմությունը չի ասել մի բան, որն այս կառավարությունը չի անում, մի բան էլ ավել՝ Հայաստան-Ռուսաստան հարաբերություններ, Երևանը շինհրապարակ դարձնել, գյուղատնտեսություն, ճանապարհաշինություն, ՏՏ և այլն, և այլն։ Ուրիշ ասելիք, առաջարկ կա՞՝ ասեք։ Իսկ միտինգներն ու երթերն արդեն «հնացած» դրսևորումներ են՝ նոր բանաձև մտածեք»։