«Իշխանությանը չի հաջողվելու շարժումը կասեցնել». Արթուր Վանեցյան

Ազատության հրապարակում շարունակվում է «Հայրենիք» կուսակցության և «Պատիվ ունեմ» խմբակցության ղեկավար Արթուր Վանեցյանի նախաձեռնած անժամկետ բողոքի ակցիան: «Սա պայքար է հանուն Հայաստանի ու Արցախի, ու այն չի կարող լինել որևէ նեղ կուսակցական խմբի պայքար, նեղ քաղաքական թիմի պայքար, սա համաժողովրդական պայքար է, համաժողովրդական շարժում»,- լրագրողների հետ զրույցում ասաց Վանեցյանը: Նա կոչ արեց քաղաքացիներին՝ ավելի ակտիվ լինել, միանալ պայքարին: Վանեցյանի խոսքով՝ իշխանությանը չի հաջողվելու կասեցնել շարժման ընթացքը: