Չավուշօղլուն քննադատել է Բայդենին

788

Կիրակի, 24 ապրիլի, 2022 թ., 19:36

Թուրքիայի արտգործնախարար Մևլութ Չավուշօղլուն քննադատել է ԱՄՆ նախագահ Ջո Բայդենի հայտարարությունները 1915 թվականին Օսմանյան Թուրքիայում իրականացված Հայոց ցեղասպանության վերաբերյալ:

«Արևմտյան որոշ առաջնորդներ վերջին օրերին պնդում էին, որ «ցեղասպանություն» բառը կարող է օգտագործվել միայն դատարանի որոշումից հետո: Ճիշտ է: Սակայն, երբ այդ նույն մարդիկ, առաջնորդվելով քաղաքական դրդապատճառներով, առանց դատարանի որոշման օգտագործում են «ցեղասպանություն» բառը 1915 թվականի իրադարձությունների վերաբերյալ, դա նրանց կեղծավորության ամենաակնառու օրինակն է»,- գրել է Չավուշօղլուն Twitter-ում։

Նշենք, որ կիրակի ավելի վաղ Սպիտակ տան մամուլի ծառայությունը տարածել էր ԱՄՆ նախագահ Ջո Բայդենի հայտարարությունը՝ «Այսօր՝ 107 տարի անց, ամերիկացի ժողովուրդը շարունակում է հարգել ցեղասպանության հետևանքով զոհված բոլոր հայերի հիշատակը...»:

Some Western leaders recently argue that "genocide" can only be determined by a court decision. So true!

The very same leaders using the term "genocide" with political motives for the events of #1915 despite the lack of a competent court decision is nothing but hypocrisy. pic.twitter.com/6CKw1b8MuO
— Mevlüt Çavuşoğlu (@MevlutCavusoglu) April 24, 2022