Երկուշաբթի, 14 սեպտեմբերի, 2026 թ.
|
Ստեփանակերտում`   +27 °C

Եվրոմիությունը «խելացի պատժամիջոցներ» է պատրաստում Ռուսաստանի դեմ

Եվրոմիությունը «խելացի պատժամիջոցներ» է պատրաստում Ռուսաստանի դեմ
1360
Երկուշաբթի, 25 ապրիլի, 2022 թ., 11:48

Եվրոմիությունը «խելացի պատժամիջոցներ» է պատրաստում ռուսական նավթի ներկրման դեմ, The Times-ին ասել է Եվրոհանձնաժողովի ղեկավարի տեղակալ Վալդիս Դոմբրովսկիսը։

Նրա խոսքով՝ միջոցառումները մշակվում են այնպես, որ նվազագույնի հասցվի տնտեսական վնասը եվրոպական երկրների համար։

«Մենք աշխատում ենք պատժամիջոցների վեցերորդ փաթեթի վրա: Քննարկվող հարցերի շարքում նավթային էմբարգոյի ձևերից մեկն է։ Պետք է այնպես անենք, որ պատժամիջոցները մեծացնեն ճնշումը Ռուսաստանի վրա՝ միևնույն ժամանակ նվազագույնի հասցնելով վնասն ինքներս մեզ համար»,- ասել է Դոմբրովսկիսը։

Նրա խոսքով՝ ռուսական նավթի ներկրման արգելքի մանրամասները դեռ համաձայնեցված չեն: Սակայն կարելի է խոսել դրանից աստիճանաբար հրաժարվելու կամ որոշակի գնային շեմը գերազանցող ներմուծման դեպքում բարձր մաքսատուրքեր սահմանելու մասին։