Հրաչյա Սարգսյանը՝ Տիգրան Ավինյանի՝ Երևանի քաղաքապետի թեկնածու առաջադրվելու մասին

«Կարծում եմ՝ էս պահի դրությամբ որոշում, որպես այդպիսին, այդպես է։ Ես նաև իմ բոլոր հարցազրույցներում ասել եմ, որ մենք ունենք սկսած ծրագրեր և ես ուզում եմ, որ այդ ծրագրերը մենք ավարտին հասցնենք, իհարկե դժվար կլինի բոլոր ծրագրերն ավարտին հասցնել, օրինակ՝ Մետրոպոլիտենի ծրագիրը 510 օր է»,- այսօր՝ լրագրողների հետ ճեպազրույցում անդրադառնալով ՔՊ-ի կողմից Տիգրան Ավինյանին Երևանի քաղաքապետի թեկնածու առաջադրելուն, ասաց քաղաքապետ Հրաչյա Սարգսյանը։

«Կարծում եմ՝ նորմալ է, ընդհանուր տրամաբանության մեջ է էս պահի դրությամբ, ես ընդհանրապես խնդիր չեմ տեսնում և պատրաստ եմ էն փորձն ու գիտելիքները, որ այս ընթացքում ձեռք եմ բերել, ի նպաստ մեր պետականության օգտագործել, որ կարողանանք արդյունք ունենալ»,- հավելեց նա։

Հարցին, թե իրեն չէր ասվե՞լ, որ հաջորդ ընտրություններում ինքն է լինելու քաղաքապետի թեկնածուն, Սարգսյանը պատասխանեց․ «Մենք, որպես այդպիսին, քննարկում չենք արել»։