«Ցուցարարը ոստիկանին հարցրել է՝ դու հո Նիկո՞լ չես, պատասխանել է՝ Նիկոլը դո՛ւ ես». Հայկ Մամիջանյան

«ՀՀ-ում իշխանությունը պատկանում է ժողովրդին ու ժողովուրդն իր ընդվզմամբ ցույց է տվել, որ էս խունտան չունի մանդատ՝ իր անունից բանակցելու, էնպես որ, ընդամենը մնացել է մեր հաղթանակի փաստական արձանագրումը»,- լրագրողների հետ ճեպազրույցում ասաց ընդդիմադիր խմբակցության պատգամավոր Հայկ Մամիջանյանը: Խոսելով ոստիկանների գործողությունների մասին՝ նշեց. «Ես չեմ թիրախավորելու մեր ոստիկանությանը՝ որպես կառույց, որպես ինստիտուտ, որովհետև կան շատ արժանապատիվ ոստիկաններ, որոնք իրապես ծառայում են հայրենիքին, կատարում իրենց աշխատանքը... Ցուցարարը հարց է տվել ոստիկանին՝ դու հո Նիկո՞լ չես, պատասխանել է՝ Նիկոլը դո՛ւ ես... սա լավագույնս բնորոշում է՝ ինչ իրավիճակում է ոստիկանությունը, ինչու է ստիպված կատարել սրանց հրամանները»: