ԵՄ-ն նախատեսում է պատժամիջոցներ կիրառել Ալինա Կաբաևայի նկատմամբ. #Bloomberg

1335

Հինգշաբթի, 05 մայիսի, 2022 թ., 23:54

Bloomberg-ի փոխանցմամբ՝ Եվրոմիությունը նախատեսում է պատժամիջոցների ցանկում ներառել ռիթմիկ մարմնամարզության ռուս օլիմպիական չեմպիոն Ալինա Կաբաևային։

Ցանկը դեռ պետք է հաստատվի եվրոպական կառավարությունների կողմից և կարող է փոխվել մինչև վերջնական հաստատումը, ընդգծվում է զեկույցում։

Սպասվում է, որ ԵՄ դեսպաններն ուրբաթ առավոտյան կքննարկեն պատժամիջոցների վեցերորդ փուլը։

Ալինա Կաբաևային առաջարկվում է ընդգրկել պատժամիջոցների ցուցակներում, քանի որ 2014 թվականի սեպտեմբերից նա հանդիսանում է National Media Group հոլդինգի տնօրենների խորհրդի նախագահը, որը բաժնետոմսեր ունի ռուսական բազմաթիվ լրատվամիջոցներում, որոնք, ըստ ԵՄ-ի, «տարածում են քարոզչություն»: