«Իրականում սա Հայաստանի խայտառակությունն ա»․ Սուրեն Սահակյան

«Քաղաքացու որոշում» ՍԴԿ նախկին ղեկավար Սուրեն Սահակյանը ֆեյսբուքյան իր էջում գրել է. «էսօր Վալերի Օսիպյանին բերման են ենթարկել մի տեղից, որտեղից 100 մետրի տարբերությամբ իր հրամանով ինձ բերման են ենթարկել 18 անգամ, որից 13 անգամի վերաբերյալ հայցը վիճարկվել ա դատարանում։
Մի կողմից կարելի ա խոսել տիեզերական արդարությունից, ՖԲ շատ են սրտհովանքի խոսքեր, խինդ ու ծիծաղ։ Իրականում սա Հայաստանի խայտառակությունն ա, քանի որ ցույց ա տալիս երկրի ինստիտուցիոնալ չկայացվածությունը։ Հարցն ամենևին Օսիպյանը չի, որ գեներալի ուսադիրները թողել ա տանը ու եկել, փողոց ա փակում։ Հարցն էն ա, թե ինչի՞ պետք ա Օսիպյանը փողոցում լինի։
Ո՞ւր են հարթակները, որտեղ քննարկվում ու լուծվում են քաղաքական հարցեր։ Կառավարող ուժն ու իրեն արժանի ընդդիմությունը ԱԺ հարթակը վեր են ածել կրկեսի։ Ըստ էության չկա ՈՐԵՎԷ հարթակ, որտեղ հնչած կարծիքները կարող են հաշվի առնվել կառավարող ուժի կողմից։ Մնում ա փողոցը ու քաղաքական անկայունությունը, որ մեր երկիրը հետ ա գցելու տարիներով։ Եթե կարծում եք, որ ներկայիս պրոցեսն ավարտելուց հետո հնարավոր ա լինելու նույն կերպ շարունակել, ապա չարաչար սխալվում եք։ Մինչև ինստիտուտները չկայանան, զարգացում չի՛ լինելու։ Փողոցում մի՛շտ մարդ ա լինելու, քանի դեռ կառավարող ուժը սենց ապաշնորհ ա կառավարում»։