«Երեկվա երթը բացահայտեց, թե ինչ ընտանիքում է մեծացել այն մարդը, որ գլխավորում է ՀՀ ԱԺ-ն»․ Էդգար Ղազարյան

«Երեկվա երթը բացահայտեց, և մենք իմացանք, թե ինչ միջավայրում և ընտանիքում է մեծացել այն մարդը, որ գլխավորում է ՀՀ ԱԺ-ն»,- այսօր՝ Ֆրանսիայի հրապարակում անդրադառնալով ԱԺ նախագահ Ալեն Սինոյանի մոր մասնակցությամբ միջադեպին, ասաց ՍԴ աշխատակազմի նախկին ղեկավար Էդգար Ղազարյանը։

«Մեզանից շատերին անհիմն մեղադրանքներ են ներկայացնում, թե իբր մենք վիրավորում ենք պաշտոնյաներին, մարդկանց, բայց այդ հրապարակային ակնհայտ ենթադրյալ խուլիգանության և ծանր վիրավորանքի հատկանիշներ պարունակող արարքը եղել է տեսանելի ողջ հանրության համար»,- նշեց նա։

«Հանցագործության մասին հաղորդում ենք նախապատրաստել, նախատեսում ենք ստորագրահավաք, որպեսզի այն հանձնենք ոստիկանություն, որ պատշաճ իրավական հսկողություն իրականացվի այդ ենթադրյալ հանցագործության նկատմամբ»,- նշեց նա։