«Վերջում մոտեցավ գյումրեցի մի տղամարդ, թե՝ բոլորի անունից կներես»․ Գեղամ Մանուկյան

«Դիմադրություն» շարժման անդամ, «Հայաստան» խմբակցության պատգամավոր Գեղամ Մանուկյանի գրառումը․ «Հակառակ իշխանական ստոր սադրանքներին, Գյումրիում կայացավ բազմամարդ հանրահավաք սրանց հեռացման պահանջով: Շատ գյումրեցիների հետ զրույցի բռնվեցի: Զորակցում էին, նաև կային սուր քննադատներ: Նրանց էլ եմ փորձում հասկանալ, իշխանական քարոզչական մամլիչի տակ են: ՄԻԱՅՆ չեմ կարողանում հասկանալ այն ստահակներին, որոնք, կաշառքով, խաբելով, մոլորեցնելով, մի խումբ գյուղացիների հանել էին ճանապարհ փակելու: Ի դեպ, դրանց մեծ մասը կապ չուներ գերիների ու գյուղի հետ: Վերջում մոտեցավ գյումրեցի մի տղամարդ, թե՝ բոլորի անունից կներես: Ներելու հարց չկա: Հիմա մեկ հարց ունենք. մեր հասարակությունը թշնամացրած նեռին շուտ հեռացնել»։