«Կարևորագույն խնդիր կդիտարկվի հայ ռազմագերիների ու պահվող այլ անձանց վերադարձը»․ Ի․ Սաղաթելյան

«Ադրբեջանի կողմից ուժի կիրառման և ուժի կիրառման սպառնալիքի ներքո չի իրականացվի սահմանազատում և սահմանագծում»,- Ֆրանսիայի հրապարակում ընթացող հանրահավաքի ժամանակ հայտարարեց ՀՅԴ-ական Իշխան Սաղաթելյանը՝ ներկայացնելով, թե ինչ քայլերի է դիմելու ընդդիմությունը՝ ՀՀ վարչապետ Նիկոլ Փաշինյանի հրաժարականից հետո։

«Հայաստան-Թուրքիա հարաբերություններում կբացառի որևէ համաձայնություն, որը հարցականի տակ կդնի հայ ժողովրդի հայրենազրկման և ցեղասպանության իրողությունը, ինչպես նաև հայության հոգևոր-մշակութային ժառանգության կրողը լինելու իրավունքը»,- շարունակեց նա։

«Առաջնահերթ կարևորություն կտա պարենային անվտանգությանը և պետական պահուստի խնդիրներին։

Կարևորագույն խնդիր կդիտարկի հայ ռազմագերիների, պատանդառվածների ու պահվող այլ անձանց վերադարձը»,- նշեց Սաղաթելյանը։