«Դա հպարտության, 42 հազար քառակուսի կիլոմետր Հայաստանի տարիներ էին»․ Ռուստամյան

«Մայիսի 28-ի խորհուրդը, որով կարողացանք մեր ինքնությունը , մեր ազգի տեսակը պահպանել և աշխարհի քաղաքական քարտեզի վրա մեր տեղն անսասան արձանագրել, հիմք դրեց մեր նորօրյա պատմությանը»,- այսօր՝ Ֆրանսիայի հրապարակում հանրահավաքի ժամանակ, հայտարարեց ԱԺ «Հայաստան» խմբակցության պատգամավոր Արմեն Ռուստամյանը։

«Այդ պատմության ընթացքում ունեցել ենք մեծ հաղթանակներ, մեծ հաջողություններ և ամենամեծ հաջողությունը, որ էսօր փորձում են մեր ձեռքից խլել, այն էր, որ մեր Արցախյան ազատամարտով կարողացանք ունենալ 42 հազար քառակուսի կիլոմետր հայկական վերահսկողության տակ անցած տարածքներ։ Սա պարծանք էր մեր սերնդի համար։ Եկավ այս իշխանությունը, 42 հազարից թողեց մոտ 32 հազարը ու դրանից հետո հարցնում են՝ ի՞նչ ենք արել, որ ուզում եք հեռանանք»,- նշեց նա։