Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Լիսկայի, Սաշիկի որդիների հայտնվելը Ֆրանսիայի հրապարակում մեծ նվեր է Նիկոլ Փաշինյանին». Նաիրի Հոխիկյան

«Լիսկայի, Սաշիկի որդիների հայտնվելը Ֆրանսիայի հրապարակում մեծ նվեր է Նիկոլ Փաշինյանին». Նաիրի Հոխիկյան
195
Չորեքշաբթի, 01 հունիսի, 2022 թ., 13:42

Լրագրող Նաիրի Հոխիկյանի գրառումը․ «Լիսկայի, Սաշիկի, նրանց որդիների, կեղտոտ անցյալով ևս մի քանի հոգու հայտնվելը Ֆրանսիայի հրապարակում մեծ նվեր է Նիկոլ Փաշինյանին։

Եվ այստեղ տրամաբանությունը երկու տարբերակ է թողնում.

1. Փողոց դուրս եկած ընդդիմությունը ճիշտ չի պատկերացնում այդ անձանց նկատմամբ հանրային հակակրանքը։

2. Փողոց դուրս եկած ընդդիմության մեջ կան ուժեր, որոնք ձգտում են ամեն կերպ տապալել շարժումը և գուցե համագործակցում են Նիկոլ Փաշինյանի հետ։

Դժվար չէ նշածս անձանց կամ նրանց տերերին հասկացնել, որ դրանք չերևան հանրության աչքին ու չգրգռեն մարդկանց զայրույթը։ Ի վերջո, շատ ժամանակ չի անցել։ Բոլորը հիշում են Լիսկաների ու Սաշիկների վարքը, իսկ Փաշինյանի պոպուլիստական քարոզչությունը կարողանում է օգտվել առիթից։ Առիթ մի տվեք։

Ամեն դեպքում ես մեր մտահոգ հայրենակիցներին խնդրում եմ հաշվի չառնել նշածս անձանց ներկայությունը և պայքարի մեջ լինել ոչ թե նրանց, այլ երկրի, պետականության համար»։

Աղբյուրը`   Նաիրի Հոխիկյան