«Փախնում են, որովհետև ասելիք չունեն». Իշխան Սաղաթելյան

«Վաղվա օրը շատ կարևոր է. անկախ նրանից՝ կգան, թե չէ, մեր երկու խմբակցությունները գնալու են: Իրենք դեռ շանս ու ժամանակ ունեն ուղղվելու, խելքի գալու ու մասնակցելու: Չի կարող խորհրդարանական կառավարման երկրում կենսական նշանակություն ունեցող խնդիրը չքննարկվի, ու քաղաքական մեծամասնությունը փախնի»,- լրագրողների հետ զրույցում ասել է ԱԺ փոխխոսնակ, «Դիմադրություն» շարժման համակարգող Իշխան Սաղաթելյանը՝ անդրադառնալով վաղվա արտահերթ նիստին: Նրա խոսքով՝ «ՔՊ-ն փախնում է, որովհետև ասելիք չունի»: «Սա ջրբաժան է պայքարն ավելի սուր առաջ տանելու իմաստով, որովհետև էդ մարդիկ ակնհայտ հայտարարում են այլևս և պաշտոնապես փաստում, որ իրենք ՀՀ-ի, Արցախի և հայ ժողովրդի շահերի հետ կապ չունեն»:

Հիշեցնենք՝ ԱԺ «Քաղաքացիական պայմանագիր» խմբակցությունը հայտարարել էր, որ չեն մասնակցելու ընդդիմության նախաձեռնած արտահերթ նիստին: