«ՀՀ իշխանությունը չափից ավելի ազնիվ է. որոշ գործընկերներ ասում են՝ պետք է լինել սրիկա ու նենգ». Արայիկ Հարությունյան

«Ամեն անգամ զարմանքս եմ ուզում հայտնել, երբ ՀՀ վարչապետը, ԱԳ նախարարը, պատգամավորներ ասում են, որ միջանցքային որևէ տրամաբանությամբ բան չի քննարկվում, բայց Ալիևի ամեն հայտարարությունից հետո մեզ մոտ չգիտեմ՝ ինչ դողէրոցք է սկսվում, որ ա՛յ, երկիրը ծախեցին և այլն»,- լրագրողների հետ զրույցում ասել է ԿԳՄՍ նախարար Արայիկ Հարությունյանը: Նրա խոսքով՝ Հայաստանի գործող իշխանությունը չափից ավելի ազնիվ է, ինչը շատ հաճախ չի օգնում: «Ներքին քննարկումների ժամանակ որոշ մեր գործընկերներ ասում են, այո՛, պետք է լինել սրիկա ու նենգ, որպեսզի որոշակի նպատակների հասնես, բայց մենք չենք գնալու էդ ճանապարհով. մենք շարունակելու ենք լինել առավելագույնս ազնիվ ու արդար»,- նշել է նա: