«Թաքուն հանդիպումները մեզ անհանգստացնում են»․ Արցախի պատգամավոր

«Թաքուն հանդիպումները, որ լինում են, իրոք մեզ անհանգստացնում են։ Ճանաչելով ՀՀ վարչապետին, ինքը ամենահզոր մանիպուլյատորն է, որին երբևէ կարող ենք մենք հանդիպած լինել, չնայած որ Արայիկ Հարությունյանը չի զիջում իր խորամանկությամբ, բայց շատ հեշտությամբ կարող է ազդել»,- այսօր Ֆրանսիայի հրապարակում ճեպազրույցի ժամանակ ասաց Արցախի ԱԺ պատգամավոր Մետաքսե Հակոբյանը՝ անդրադառնալով ՀՀ վարչապետ Նիկոլ Փաշինյանի և Արցախի Հանրապետության նախագահ Արայիկ Հարությունայնի պարբերաբար տեղի ունեցող ոչ պաշտոնական հանդիպումներին։

«Այն մեսիջները, որ ուզում է Հայաստանի վարչապետը փոխանցել՝ հանդարտեցնելու համար բոլորին, կարող է անել Արայիկ Հարությունյանի միջոցով, ինչը ես չեմ բացառում»,- ասաց պատգամավորը։