«Ինքը դեռ չգիտի, բայց շուտով կիմանա դրա մասին». Էդուարդ Շարմազանով

ՀՀԿ խոսնակ Էդուարդ Շարմազանովի գրառումը․ «Բայց սրանք ինչ «մեղք» են։

20.000 խաղաղ ցուցարարի մեջ մի մուրճով մեկին գտել են ու երկու օր է ցուցադրում են։

Մուրճով մարդամեջ դուրս գալը ձեր Նիկոլն է սովորեցրել։ Ու չի կարելի բացառել, որ նա կարող է լինել ռեժիմի սադրիչներից։ Կամ էլ երևի մտածել է, եթե մի «վարչապետ» կարող է մուրճ օգտագործել, բոլոր «վարչապետներն» էլ կարող են։

Իսկ դուք, նիկոլահպատակ «սորոսականնե՛ր», հատուկ միջոցների ապօրինի կիրառումից ինչո՞ւ չեք խոսում։

Թե՞ դրա համար Արևմուտքը «գրանտ» չի տվել։

Հունիսի 3-ին տեղի է ունեցել խաղաղ ցուցարարների վրա հարձակում, հատուկ միջոցների ապօրինի կիրառում, որի պայթյունից տուժել են քաղաքացիներ։

Նիկոլի ռեժիմը կրակեց ժողովրդի վրա, արյուն թափեց, իսկ հետո գնաց գինի ըմպելու։

Վախն ու ցինիզմը կործանելու է ձեզ, իսկ «նիկոլական Կարթագենի կործանում» լինելու է։

Նիկոլը գնալու է՝ շատ հանգիստ։

Ինքը դեռ չգիտի, բայց շուտով կիմանա դրա մասին։ Կարևորը՝ Հայաստանը Նիկոլից հետոն է։ Միայն ազգային պետություն, որը պետք է հենված լինի արևելաքրիստոնեական ավանդական արժեքների, Հայ Եկեղեցու բացառիկ դերի ու հայ-ռուսական դաշնակցային խորացող կապերի վրա»։