Կիրակի, 03 հուլիսի, 2022 թ.
|
Ստեփանակերտում`   +17 °C

«Ձայնագրության հիման վրա նախկին տնօրենը զրկվեց հավաստագրից»․ Ժաննա Անդրեասյան

«Ձայնագրության հիման վրա նախկին տնօրենը զրկվեց հավաստագրից»․ Ժաննա Անդրեասյան
447
Չորեքշաբթի, 08 հունիսի, 2022 թ., 09:54

ԿԳՄՍ փոխնախարար Ժաննա Անդրեասյանը ֆեյսբուքյան իր էջում գրել է. «Նախորդ տարի աշնանը մեծ աղմուկ հանեց Երևանի դպրոցներից մեկում ուսուցչից աշխատանքի ընդունվելու համար գումար պահանջելու և այնուհետև պարբերաբար վճարումներ ստանալու հանգամանքները նշող ձայնագրությունը։ Ձայնագրության հիման վրա հիմա արդեն նախկին տնօրենը նախարարության կողմից զրկվեց հավաստագրից։ Արդեն ստացել ենք դատավճիռը, որով նախկին տնօրենը զրկվել է որոշակի պաշտոններ զբաղեցնելու և մանկավարժական գործունեություն ծավալելու իրավունքից։ Միջադեպի մյուս մասնակիցների մասով նույնպես կայացված են համապատասխան վճիռներ։
Գիտեմ, որ նման դեպքերի մասին ներքին խոսակցություններ լինում են, բայց շատերը խուսափում են բարձրաձայնել։ Կարծում եմ՝ այս դեպքը ցույց է տալիս, որ բարձրաձայնել պետք է, և որ դա կունենա հետևանք։ Որ ամենակարևորն է՝ հուսամ, այս նախադեպը կկանխի համակարգում նման երևույթները։
Կրթությունը չպիտի լինի կեղծիքի տեղ»։

Աղբյուրը`   Ժաննա Անդրեասյան