Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Ալիևի այս հայտարարությունն արվում է ԱՄՆ կողմից Մինսկի խմբի նոր համանախագահի նշանակման համատեքստում»․ Վարդան Բալյան

«Ալիևի այս հայտարարությունն արվում է ԱՄՆ կողմից Մինսկի խմբի նոր համանախագահի նշանակման համատեքստում»․ Վարդան Բալյան
211
Հինգշաբթի, 30 հունիսի, 2022 թ., 23:06

Քաղաքական վերլուծաբան Վարդան Բալյանը ֆեյսբուքյան իր էջում գրում է. «Մինսկի խումբը մահացած է, այն վերակենդանացնել անհնար է, ցանկացած շահարկումները այդ թեմայով ավերիչ ազդեցություն ունեն տարածաշրջանում խաղաղության վերականգնման առումով: Ալիևի այս հայտարարությունն արվում է ԱՄՆ կողմից Մինսկի խմբի նոր համանախագահի նշանակման համատեքստում: Այս իրավիճակում Ադրբեջանը փորձում է Ռուսաստանի աջակցությամբ հնարավորինս արագացնել Նոյեմբերի 9-ի եռակողմ հայտարարության ամբողջական իմպլեմենտացիան ի հաշիվ Հայաստանին պարտադրված զիջումների՝ սպառնալով նոր պատերազմով: Ռուսներն իրենց հերթին փաստացի հանդես են գալիս ամենևին ոչ խաղաղապահ միջնորդի դերում, այլ որպես 44-օրյա պատերազմի արդյունքում ստորագրված եռակողմ հայտարարության կողմ՝ ֆորմալ հաղթողի դաշնակից: Լավրովը Բաքու կատարած իր այցի ընթացքում խուսափեց Լեռնային Ղարաբաղ, Ղարաբաղյան կոնֆլիկտ եզրույթների օգտագործումից՝ իր խոսույթում օգտագործելով Ադրբեջանի կողմից պաշտոնական հայտարարություններում անընդհատ հնչող դիրքորոշումներին համահունչ բառապաշար: Ժամանակն է, որ ռուսական խաղաղապահ զորակազմի մանդատը հաստատելու ադրբեջանական կողմի պայմանները բավարարելու ձգտող Ռուսաստանի Դաշնությանը առաջադրվի հստակ պահանջ՝ վերադառնալ Մինսկի խումբ»:

Աղբյուրը`   Վարդան Բալյան