Երեքշաբթի, 19 մարտի, 2024 թ.
|
Ստեփանակերտում`   +4 °C

«Տեղի է ունեցել ինչ-որ դիմակահանդես». Ավետիք Իշխանյան

«Տեղի է ունեցել ինչ-որ դիմակահանդես». Ավետիք Իշխանյան
647
Երկուշաբթի, 04 հուլիսի, 2022 թ., 20:00

Իրավապաշտպան Ավետիք Իշխանյանի նախօրեի գրառումը․ «ԴԻՄԱԿԱՀԱՆԴԵՍ

Նայում էի այսօրվա լրահոսը։ Արդեն վաղուց չեմ զարմանում պատերազմում պարտված, դեռևս պատերազմի վերքերը չսպիացած, համատարած աղքատության ֆոնին Հայաստանում անցկացվող շքեղ հարսանիքների վրա։ Բայց, պարզվում է ուրախություններն այդքանով չեն ավարտվում։ Այսօր բռնապետիկի կեղծ ժպիտով, երջանիկ մասնակցությամբ տեղի է ունեցել ինչ-որ դիմակահանդես։

Պարզվում է Պոլիտեխնիկական համալսարանի հոբելյանական․․․ 89-րդ շրջանավարտների օրն է։ Եվ այդ «հոբելյանի» առթիվ ԿԳՄՍ նախարարն ինքը հագնելով դիմակահանդեսային կոստյում կազմակերպել է հերթական բեմադրությունը, այդ հագուստով, քծնական ժպիտը դեմքին կանգնել տիրոջ կողքին։ Նրա համար ի՜նչ Արցախ, ի՜նչ հայրենիք․․․

Եվ ի՞նչ, Պոլիտեխնիկի գիտնականները, ուսանողներն «ուշադիր» լսում և ծափահարում էին հայրենիքը հանձնած և հանձնելը շարունակողին, ով ատում է, իր իսկ խոսքերով, ազգի էլիտային, այսինքն՝ բոլոր նրանց, ովքեր կրթված, գիտակից, հայրենիքի համար ցավ ապրող մարդիկ են»։

Աղբյուրը`   Ավետիք Իշխանյան