«Կարծում եմ` պարզ է, թե Մեդվեդևի ներկայացրած աշխարհում որտեղ է «գծագրված» Հայաստանի տեղը». քաղաքագետ

Քաղաքագետ Սուրեն Սուրենյանցի գրառումը. «Եթե չենք ուզում լրիվ մանրադրամ դառնալ ռուս-թուրքական հարաբերություններում
Ռուսաստանի նախկին նախագահ, ներկայումս ԱԽ նախագահի տեղակալ Դմիտրի Մեդվեդևը նշել է Ուկրաինա ռուսասկան ներխուժման նպատակը, որն արդեն կատարվել է, այն է, որպեսզի Ռուսաստանի հետ հաշվի նստեն իրապես, ինչպես՝ Սովետական Միության հետ։
Մեդվեդևի այս հայտարարությունն, իհարկե, հակադրության մեջ է մտնում ռուսական պաշտոնական մի քանի վարկածների հետ, դրանք էին՝ նացիզմի դեմ պայքարը, Դոնբասի ժողովրդի պաշտպանությունը և այլն։
Իհարկե, շատերը Մեդվեդևի տելեգրամյան գրառումները համեմատում են Ռամզան Կադիրովի հայտարարությունների հետ, բայց այս դեպքում՝ Ռուսաստանի նախկին նախագահը, իմ կարծիքով, միանգամայն անկեղծ է։
Նա, ըստ էության, խոսում է նոր բազմաբևեռ աշխարհի, Սառը պատերազմի մասին՝ գծագրելով նաև աշխարհագրական այն տարածությունը, որտեղ գործելու է ռուսական ազդեցությունը։
Կարծում եմ՝ պարզ է, թե Մեդվեդևի ներկայացրած միանգամայն իրական աշխարհում որտեղ է «գծագրված» Հայաստանի տեղը։ Ու եթե չենք ուզում ամբողջովին մանրադրամ դառնալ ռուս-թուրքական հարաբերություններում, ապա օր առաջ պետք է կարգավորեք մեր հարաբերությունները Թուրքիայի ու Ադրբեջանի հետ»: