«Հայաստանը հենց այսօր պատրաստ է իր անվտանգային և տնտեսական անկախության համակարգը «սկուտեղի» վրա հանձնել Թուրքիային». Ա․ Աբովյան

ՀՀ ԱԺ նախկին պատգամավոր Արման Աբովյանը գրում է. «Հայաստանը պատրաստ է հենց այսօր բացել հայ-թուրքական սահմանը։ Հարցը միայն թուրքական կողմի քաղաքական որոշումների տիրույթում է։ …ահա այս կարգի զավեշտալի հայտարություն հնչեց այսօր իշխանության կողմից։

Ինչո՞ւ զավեշտալի…եկեք միասին բացահայտենք այս հայտարարության իրական բովանդակությունը։
Եվ այսպես- Հայաստանը հենց այսօր պատրաստ է իր անվտանգային համակարգը և տնտեսական անկախության համակարգը «սկուտեղի» վրա՝ զուռնա-դհոլով հանձնել հայասպան, ֆաշիստական, տեռորիստական գաղափարներ կրող Թուրքիային։

Խնդիրը միայն թուրքերի որոշման տիրույթում են և քանզի թուրքերը ուղղակի հրաժարվում են հավատալ, որ հայերը ի վերջո որոշել են կամովին ինքնոչնչանալ, այդ իսկ պատճառով թուրքերը մի քիչ ժամանակ են ձգում, փորձելով հասկանալ, թե որտեղ են իրենց հայերը «գցում»։

Սակայն այն պահից սկսած, երբ թուրքերը կհասկանան, որ սա հայերի «խորամանկ» նախագիծը չէ, այլ պարզապես «թավշյա» ազգային ինքնասպանության հերթական դրսևորում է՝ հենց այդ պահից սկսած կմեկնարկի Հայաստանի սողացող «իդլիբիզացիայի» գործընթացը։

Ապագա Կա՝...վայելեք»։