«Ադրբեջանի և Թուրքիայի հետ դիալոգն ավելի ակտուալ է դառնում». Սուրեն Սուրենյանց

Քաղաքագետ Սուրեն Սուրենյանցի գրառումը. «Ադրբեջանի և Թուրքիայի հետ դիալոգն ավելի ակտուալ է դառնում

Ադրբեջանը և ԵՄ-ն այսօր Բաքվում «Ռազմավարական էներգետիկ համագործակցության մասին» փոխըմբռնման հուշագիր են ստորագրել։

ԵՄ-ը մտադիր է կրկնապատկել Ադրբեջանից ստացվող գազի ծավալները։ Դա առնվազն նշանակում է, որ Արևմուտքի համար Ադրբեջանի կշիռն աճելու է՝ մեզ համար դրանից բխող նոր ռիսկերով։ Բայց դա չի նշանակում, թե Մոսկվայում «պատերազմ» են հայտարարելու Բաքվին, հակառակը՝ սիրաշահելու են, որպեսզի մեղմեն Ադրբեջան-ԵՄ համաձայնության քաղաքական հետևանքները։

Մի խոսքով Բաքուն աշխարհաքաղաքական կենտրոնների հետ առևտրի լայն հնարավորություն է ստանում, բնականաբար՝ մեր շահերի հաշվին։

Նման իրավիճակում հայ-ադրբեջանական ու հայ-թուրքական դիալոգի անհրաժեշտությունն ու հարաբերությունների կարգավորումն ավելի ակտուալ է դառնում»։