«ՄԱԿ-ը ևս մասն է այն խմբակի, որոնք Արցախը ուզում են խլել մեզնից». Հովհաննես Իշխանյան

«ՄԱԿ-ը ժամանակ առ ժամանակ հանդես է գալիս հայտարարություններով, հորդորելով այս կամ այն երկրում ազատել քաղբանտարկյալներին, օրինակ՝ Բելառուսում, Իրանում: Հայաստանում արդեն 4 տարի է այս իշխանությունները շինծու գործեր են սարքում ու մարդկանց նետում են բանտերը, դրա ապացույցն է նաև այն, որ դրանք չեն ապացուցվում, սակայն ՄԱԿ-ի համար այդ մարդիկ գոյություն չունեն: Սա նշանակում է, որ մեզ մոտ ապօրինի անազատության մեջ հայտնվածները սակավ սպիտակ են, քան Բելառուսի՞ քաղբանտարկյալները»,- այսօր ՀՀ-ում ՄԱԿ-ի գրասենյակի դիմաց ընթացող բողոքի ակցիայի ժամանակ ասաց ռեժիսոր Հովհաննես Իշխանյանը:

«ՄԱԿ-ը ևս մասն է այն խմբակի, որոնք Արցախը ուզում են խլել մեզնից: Որն է այս կառույցի գոյության նպատակը, չկա, այս կառույցի փոխարեն պետք է նորը ստեղծվի, եթե այդպես չէ, թող մարդու իրավունքներով զբաղվող մասնագետները հայտարարություն տարածեն»,- ասաց նա: