«Չափներդ ճանաչեք ու մեր համբերության հետ մի խաղացեք». Գևորգ Ղուկասյան

722

Երեքշաբթի, 19 հուլիսի, 2022 թ., 14:30

ՀՅԴ անդամ, քաղաքագետ Գևորգ Ղուկասյանը ֆեյսբուքյան իր էջում գրել է. «Խորհրդարանական մեծամասնության ճամբարափոխ նախագահացուին փոխանցեք, որ երկու տղամարդացուներով տասը րոպե կին քաղաքական գործչի մասին բամբասելը ո՛չ քաղաքական ա, ո՛չ էլ տղամարդկային:

Ու մեկ էլ՝ խորhրդարանական դիվանագիտությունից չխոսաք, թե չէ մենք կարող ա ավելի շատ խոսանք.․. Հիշեք ա՛յ քաղաքական խոտաններ, ձեր արտաքին խորհրդարանական միմոսությունը, որի անունը խորհրդարանական դիվանագիտություն եք դրել, մենք շատ լավ գիտենք։ Ու շատ բան չենք խոսում, որ էս երկիրն ավելի չխայտառակենք։

Ձեններդ կտրեք ու վեր ընգեք տեղներդ, դուք ո՞վ եք, որ ձեր հետ պետություն պաշտպանենք, ա՛յ պարտության խորհրդանիշներ։ Մենք որտեղ պետք ա ու ոնց պետք ա պաշտպանում ենք։ Ավելին՝ եթե էդքան վնասատու չլինեիք, կարելի էր Ձեր վզից բռնել ու Դաշնակցության մի քանի գրասենյակներ մտցնել, որ տեսնեք թե պետության շահը ոնց ա պաշտպանվում, նույն ձև կարելի էր Դաշնակցության Բոսթոնի արխիվ մտցնել, որ Սիմոն Վրացյանի անունն անպատեհ չհոլովեիք։

Զգույշ եղեք, էլի եմ ասում՝ ձեր արտաքին խորհրդարանական ծաղրի մասին, որ չենք բարձրաձայնում, դրանից չառիթավորվեք...

Ի դեպ, Դաշնակցության ու դաշնակցականների հասցեին վիրավորական արտահայտություններից առաջ, լավ կանեն իրենց գործընկերներին ասեն, որ ստեղ-ընդեղ Դաշնակցության գրասենյակների առաջ վիզ չծռեն։

Չափներդ ճանաչեք ու մեր համբերության հետ մի խաղացեք։ Սխալ ոլորտ եք մտել․․․»:

Աղբյուրը` Գևորգ Ղուկասյան