«Թուրքիան հետևողական է նվաճելու իր ազդեցության գոտիները»․ Վարուժան Գեղամյան

«Թուրքիան հետևողական է նվաճելու իր ազդեցության գոտիները և դրա միջոցով դառնալու տարածաշրջանում գերտերություն: Թուրքիայի արտաքին քաղաքական նպատակներն անփոփոխ են, չեն փոխվում՝ ըստ քաղաքական թիմերի, ըստ քաղաքական գործիչների, ըստ եղանակի: Դրանք մշտապես սպասարկում են Թուրքիայի ազգային պետական շահը»,- «Տարածաշրջանը և մենք» թեմայով քննարկման ժամանակ կարծիք է հայտնել թուրքագետ Վարուժան Գեղամյանը:

«Թուրքիայի համար շարունակվում է մնալ երեք հիմնական ճակատ՝ Միջերկրական, սիրիական և պայմանական Հարավկովկասյան, որտեղ կա գերակտիվ դիվանագիտական և քաղաքական աշխատանք»,- ասել է թուրքագետը։