«Հայաստանում ունենք կորոնավիրուսի դեպքերի աճ»․ Անահիտ Ավանեսյան

«Վերջին մեկ ամսվա ընթացքում Հայաստանում ունենք կորոնավիրուսի դեպքերի աճ»,- այսօր՝ լրագրողների հետ զրույցում հայտարարեց առողջապահության նախարար Անահիտ Ավանեսյանը:

«Դա պայմանավորված է ճամփորդությունների ակտիվացման հետ, եվրոպական երկրներում ակտիվ կերպով զարգանում է ալիքը»,- նշեց նա։

«Մենք կանխատեսում էինք, որ վարակի ներթափանցում կլինի, զգոն կերպով հետևում ենք, առողջապահական համակարգը պատրաստ է ցանկացած զարգացման»,- նշեց նա:

«Եթե հանկարծ համաճարակային իրավիճակը նորից սրվի այն աստիճան, որ կարիք լինի սահմանափակումներ մտցնել, նախարարությունը կգնա այդ քայլին, բայց այս պահին նման իրավիճակ չունենք, և որևէ սահմանփակում չի գործում» ընդգծեց նախարարը՝ հորդորելով բժշկական կենտրոններ այցելելիս անպայման կրել դիմակ։