«Երբ Բաքվում էինք, նկատեցինք ԵԽ բանաձևի վերաբերյալ քննադատական մոտեցումը»․ Մքալիսթեր

«Եվրոխորհրդարանը վերջերս մի բանաձև է ընդունել, որով դատապարտել ենք այն շարունակական քաղաքաքականությունը, որով սրբվում և ժխտվում է Հայաստանի մշակութային ժառանգությունը ԼՂ-ում և դրա շուրջ»,- այսօր՝ մամուլի ասուլիսի ժամանակ հայտարարեց Եվրոպական խորհրդարանի արտաքին հարցերով կոմիտեի նախագահ Դեյվիդ Մքալիսթերը։

«Այս բանաձևն ընդունվել է Եվրոխորհրդարանի մեծամասնության կողմից։ Երբ Բաքվում էինք, նկատեցինք, որ սույն մոտեցումը քննադատական էր, ինչը և հրապարակվեց Ադրբեջանի իշխանությունների կողմից»,- նշեց ԵՄ ներկայացուցիչը։

«Եվրոխորհրդարանն ունի ավանդույթ՝ ձևակերպելու բանաձև երրորդ երկրներում առկա իրավիճակների մասին։ Մենք արել ենք դա նախկինում և շարունակելու ենք անել․ ոմանք կողջունեն մեր բանաձևերը, այլոք կքննադատեն»,- ասաց նա։

«Նկատել եմ, որ Եվրոխորհրդի այս բանձևը կտրուկ քննադատության է արժանացել»,- հավելեց Մքալիսթերը։