«Ընդդիմությունն ասում էր՝ փողոցից կհեռանանք միայն Փաշինյանին իշխանությունից հեռացնելուց հետո»․ լրագրողը՝ Մամիջանյանին

«Նման բան երբևէ չի ասվել»,- այսօր՝ խորհրդարանում լրագրողների հետ զրույցում, ի պատասխան դիտարկմանը, որ ընդդիմությունն ասում էր՝ կվերադառնա խորհրդարան և կհեռանան փողոցից միայն վարչապետ Նիկոլ Փաշինյանին իշխանությունից հեռացնելուց հետո, ասաց «Պատիվ ունեմ» խմբակցության պատգամավոր Հայկ Մամիջանյանը։

«Թե՛ մանդատը, թե՛ էս շենքում գտնվելը, թե՛ էս շենքից դուրս գտնվելը, մեր ամբողջ հասարաքաղաքական գործունեության նպատակը մեկն է՝ Հայաստանին վերադարձնել արժանապատվություն, որ Հայաստանի անունից բանակցողը սեղանի տակից չբանակցի»,- ասաց նա։