«Այս պատճառով է Ավետիքը վտանգավոր ռեժիմի համար». Ստեփան Դանիելյան

Քաղաքագետ Ստեփան Դանիելյանի գրառումը․ «Ավետիք Չալաբյանի դատական պրոցեսն է մոտենում ու, կարծում եմ, կարևոր է հասկանալ, թե ինչու են Ավետիքին դատում: Գործող ռեժիմը (աննշան, հաճախ անիմաստ լայնամասշտաբ ձերբակալությունները ցույց են տալիս, որ գործող իշխանությանն արդեն կարելի է բնութագրել այդ բառով) իշխանությունը պահելու համար այլ արդյունավետ գործիք արդեն չունի, միայն վախի մթնոլորտ ստեղծելով է փորձում պահել իշխանությունը:

Սակայն, իրականում, բռնաճնշումներից բացի, ևս մեկ գործիք ունի ռեժիմը և հենց դա է պատճառն Ավետիքի, Արմեն Գրիգորյանի և մյուսների ձերբակալությունների հիմնական պատճառը:

Ռեժիմը իշխանության է եկել սոցիալական արդարության դրոշի տակ և դրա համար հասարակությանը բաժանել էր սևերի ու սպիտակների: Դա իշխանությունը պահելու սխեմա է:

Սևերը ռեժիմի ներկայացուցիչներին համարում են դավաճաններ ու հողատուներին, ռեժիմը գործող ընդդիմությանը՝ թալանչիներ ու կոռուպցիոներներ: Ժողովրդի մի հատվածի համար այդ սխեման աշխատում է, որը, շահագործելով ռեժիմը, դեռ կարողանում է որոշակի լեգիտիմություն իր համար ապահովել:

Այս սխեմայի փլուզումը կարող է ճակատագրական լինել ռեժիմի համար, ինչը նրանք չպետք է թույլ տան: Այսինքն, ցանկացած շարժում, ցանկացած նախաձեռնություն, ցանկացած անձ, որը չի տեղավորվում այդ սխեմայի մեջ, սակայն նախաձեռնություն է ցուցաբերում, պետք է չեզոքացվի: Այս պատճառով է Ավետիքը վտանգավոր ռեժիմի համար»: