«Էրդողանը Փաշինյանին կրկին հիշեցրեց, որ մինչև Ադրբեջանը գոհ չմնա, հայ-թուրքականը տեղից չի շարժվի». Անդրանիկ Թևանյան

ԱԺ «Հայաստան» խմբակցության պատգամավոր Անդրանիկ Թևանյանի գրառումը․ «Ո՞վ է ապուշը

Էրդողանը Փաշինյանին կրկին հիշեցրեց, որ մինչև Ադրբեջանը գոհ չմնա, հայ-թուրքականը տեղից չի շարժվի։ «Մեր կարմիր գիծն ի սկզբանե եղել է Ադրբեջանը։ Մենք ասել ենք, որ «կբացենք մեր դռներն» Ադրբեջանի հետ խնդրի լուծումից հետո։ Ուրախ եմ նաև, որ Փաշինյանը մեզ հետ կիսում է համանման տեսակետները տարածաշրջանային խաղաղության և համագործակցության հարցում։ Մենք հիմա ակնկալում ենք, որ նրանք հայտարարություններից բացի կոնկրետ քայլեր կձեռնարկեն»,- ասել է Թուրքիայի նախագահը։

Կոնկրետ քայլեր Ադրբեջանի ուղղությամբ ասելով Էրդողանը նկատի ունի ՀՀ-ի կողմից Արցախն Ադրբեջանի կազմում ճանաչելը, Զանգեզուրի միջանցք տրամադրելը, «անկլավները» և այլն։

Եթե Էրդողանի այս հայտարարություններից հետո կգտնվի մեկը, ով կրկին կհայտարարի, որ, իբր, Թուրքիան նախապայման չունի և հայ-թուրքականը կապված չէ հայ-ադրբեջանականի հետ, ապա այդ մեկը կա՛մ ապուշ է, կա՛մ ապուշի տեղ է դնում իրեն հավատացողներին»։